90-та трка која требаше да се вози на патеката Асен на 28-ми јуни официјално е одложена.

Со оглед на тоа што не се знае како ќе се одвиваат работите со другите трки, во соопштението од патеката стои дека трката е „одложена до есента или до следната година“. Надлежните од патеката со жалење ја соопштија веста, но истовремено и упатија разбирање до владата и грижата за јавното здравје ја ставија на првото место.

Традиционалната трка која се возеше на последниот викенд во Јуни требаше да биде втора рунда во МотоГП шампионатот, една недела по трката во Захсенринг, но по се изгледа нема да ја видиме ни таа трка. Германија и официјално ги забрани сите настани со голема публика до крајот на Август. За сега останува само трката во Јули на новата патека КимиРинг во Финска, но патеката сѐ уште нема добиено хомологација.