Возачот на Јамаха МотоГП тимот и актуелен Светски шампион, Хорхе Лоренцо, забележа победа на првата трка од сезоната која денеска се возеше на патеката Лосаил во Катар.

МотоГП шампионатот започна со првата трка која денеска се возеше на патеката Лосаил во Катар. На трката како нај успешен излезе Хорхе Лоренцо кој ја забележа првата победа во сезоната.

Возбудливиот старт на трката ни донесе изненадување во однос на распоредот по вчерашните квалификации па така веднаш по стартот на чело на колоната избија двата мотори на Дукати на Јанон и Довициозо, следени од Хорхе Лоренцо, Валентино Роси и Марк Маркез.

Иако се навестуваше голема битка до самиот крај на трката, пред се заради различниот избор на гуми, се чини дека се беше готово по само неколку кругови. Возачите на Дукати кои беа на добар пат да забележат 1-2 победа беа попречени од падот на Јанон кој едноставно го изгуби предниот дел од моторот и ја заврши трката без пласман.

За само неколку кругови Лоренцо успеа да ја превземе водечката позиција од Довициозо и ја задржа до самиот крај, а она што се случуваше зад него стана возбудливо на само 4 круга до крајот. Тогаш Маркез успеа да ја превземе втората позиција од Довициозо, а Валентино Роси сеуште беше со мало задоцнување на четвртата позиција.

Последните два круга од трката ја одбележа големата борба помеѓу Маркез, Довициозо и Роси кои возеа еден зад друг.

Во последниот круг Довициозо успеа да го помине Маркез за втората позиција, моторот на Дукати едноставно беше премногу брз на стартно-целната рамнина па Маркез немаше друга опција освен да го проследи Довициозо. До крајот следевме навистина возбудлива борба па иако ги променија местата на неколку свиоцо до крајот на трката, сепак втората позивија му припадна на Довициозо, Маркез на третата, а Роси заврши на четвртата позиција.

Резултати од денешната трка: