WSBK

Yamaha ќе ги задржи ван дер Марк и Ловс во сезоната 2019 од Мотул Светскиот Супербајк Шампионат

Михаел ван дер Марк и Алекс Ловс ќе се обидат да ја освојат титулата за Yamaha и во сезоната 2019 од Светскиот Супербајк Шампионат, откако за време на трката во Мизано двајцата возачи го продолжија договорот со тимот.

Следете нè на:

 

Сезоната 2019 ќе биде трета за ван дер Марк во тимот на Yamaha. Поранешниот шампион од Европскиот Суперсток и FIM Светскиот Суперспорт шампионат, за време на својата дебитанска сезона два пати успеа да се искачи на подиумот. Веќе во втората година во тимот, тој успеа да го подобри својот резултат.

u4k57fzdgl5n4kubwct1

25 годишниот Холанѓанец, во првата половина од сезоната 2018 успеа дури седум пати да се искачи на подиумот, а меѓу нив е и неговата прва победа во серијата која ја постигна на првата трка која се возеше во Донингтон Парк. Тој успеа да победи и на втората трка на истата патека со што стигна до двојна победа. Во моментов тој е на третото место во шампионатот со 248 поени.

Ван дер Марк исто така постигна успех и на трката „Suzuka 8 Hour“ откако стигна до победата на три од петте настапи кои ги имаше. Последната победа на оваа трка ја постигна во 2017 година кога заедно со Ловс и Кацујуки Накасуга беа дел од Yamaha Factory Racing тимот.

За Ловс, сезоната 2019 ќе биде негова четврта во тимот на Yamaha. Од почетокот на сезоната 2017 па се досега, Британецот успеа да освои седум места на подиумот, а меѓу нив е и победата на трката која се возеше во Брно. Во моментов тој се наоѓа на петото место на табелата со 193 поени.

Поранешниот Супербајк шампион исто така е двоен победник на трката „Suzuka 8 Hour“ откако успеа да стигне до првото место во 2016 и 2017 година.

Откако ги обезбедија возачите за сезоната 2019, официјалниот тим на Yamaha е целосно подготвен за настап по завршувањето на летната пауза. Следната трка се вози на патеката во Португалија од 14 до 16 септември.

Михаел ван дер Марк

„Многу сум среќен што потпишав договор со Yamaha. Верувам во овој проект, тимот верува во мене како возач и тоа е одлична комбинација. Иако се уште работиме за да бидеме подобри, очигледен е напредокот кој го постигнавме досега. Тоа може да се забележи бидејќи успеавме да стигнеме до неколку победи а исто така и секој викенд се бориме за место на подиумот. Со нетрпение ја чекам следната трка за да продолжиме заедно да се бориме за титулата.“

Алекс Ловс

„Среќен сум што ќе продолжам да бидам дел од Супербајк проектот на Yamaha. Откако во 2016 година тие се вратија во серијата, заедно поминавме низ многу работи, некои добри, а некои лоши. Но дефинитивно се движиме по вистинскиот пат. Одлично беше што успеав да стигнам до првата победа. Тоа ќе значи и дека во иднина ќе очекуваме многу од секоја трка. Многу верувам во овој проект, а мојата цел отсекогаш била да стигнам до титулата. Сметам дека можеме да го постигнеме тоа со оглед на досегашниот напредок. Сакам да им изразам голема благодарност на Ерик де Сејнес, Андреа Досоли и Паоло Павесио во Yamaha, а исто така на Пол Денинг што веруваат во мене. “

Ерик де Сејнес – претседател на Yamaha Motor Europe

„Пресреќни сме што ја продолживме соработката со Алекс и Михаел и во сезоната 2019. Двајцата досега завршија одлична работа за тимот, а сезоната 2018 е наша најуспешна откако се вративме во серијата. На половина сме од шампионатот, а досега имаме 3 победи и 10 места на подиумот. Очигледно е дека Алекс и Михаел имаат важен дел од тој успех. Убедени сме дека во иднина ќе постигнеме уште подобри резултати и ќе продолжиме да работиме напорно за да ја постигнеме нашата цел, а тоа е шампионска титула за Yamaha.“

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.