Мотоцикли

Ducati го претстави 2019 Scrambler Icon

Ducati ја претстави последната верзија на Scrambler Icon кој сега има нов електронски пакет како и мали промени во дизајнот.

Следете нè на:

 

Оваа верзија доаѓа после 4 години откако беше објавен првиот модел од овој бренд и кој се продаде во 55 илјади примероци. Благодарение на неговиот изглед како и на тоа дека е лесен за возење, моделот од 2015 година стана десетиот најпродаван мотоцикл кој има зафатнина поголема од 500cc. Ова беше прва ваква награда за компанијата со седиште во Болоња.

Ducati Scrambler Icon

Денеска, Scrambler за Ducati значи многу повеќе отколку само еден обичен мотоцикл. А последниот модел ветува дека ќе биде многу забавен, удобен и безбеден благодарение на новата електронија, пред се на Bosch Cornering ABS.

Засега нема никакви најави дека моторот и шасијата претрпеле некакви промени. Актуелниот модел се уште го има 803cc, L-twin, 4 тактниот мотор со воздушно ладење на Ducati и кој има 75 коњски сили и вртежен момент од 68Nm. Сепак, шест брзинскиот менувач сега има помека хидраулична контрола.

Ducati Scrambler Icon wheel

Во однос на стилот, тој е многу сличен со претходните верзии. Има светли бои, алуминиумски држачи и единечно предно светло. Но, предното светло е сосема ново и сега на него е додадено LED DRL за да се добие подобра видливост.

Мотоциклот има и високи, долги рачки, ново седиште и променета суспензија. Исто како и останатите вакви мотоцикли и овој модел не е премногу тежок(очекуваме да биде некаде околу 170кг), а исто така има и низок центар на гравитација.

Новиот модел ќе се најде на продажба од ноември и ќе биде достапен во две бои: Atomic Tangerine или класичната 62 Yellow. И двете верзии ќе имаат црна рамка и црно седиште.

Со оглед на тоа дека наскоро ни пристигнуваат Intermot и EICMA, можете да очекувате голем број на нови и интересни модели.

Ducati Scrambler Icon Dash

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.