КТМ потврди дека Дани Педроса и Мика Калио и во сезоната 2021 ќе бидат тест и развојни возачи на тимот.

Дани Педроса и Мика Калио ќе ги задржат позициите како тест и развојни возачи во фабричкиот тим на КТМ и во сезоната 2021. Австриската екипа се надева дека ќе продолжи напредокот кој почна во сезоната 2020.

Калио е дел од MotoGP проектот на КТМ уште од самиот старт и настапи на една трка во 2016 година. Педроса пак се приклучи на екипата во 2019 година а претходно една декада помина како возач на Honda. Многумина тогаш сметаа дека тимот направил вистински потег што успеал да го привлече Педроса.

За Педроса се вели дека директно учествувал во развојот на KTM RC16 од 2020 година и дека благодарение на неговото знаење, машината успеа да постигне три победи и осум места на подиумот а тимот сезоната ја заврши на петото место во генералниот пласман.

„КТМ сака да продолжи да напредува и среќен сум што ќе продолжам да работам со нив. Сакам да им се заблагодарам на Пит Беирер, Стефан Пиерер и на Red Bull за довербата која ја имаат во мене.“

Иако Педроса досега неколку пати ја одби можноста да настапи за КТМ на некоја трка од сезоната, Калио, на еден или на друг начин, беше дел од четиринаесет трки за тимот.

„Одлично е што ќе продолжам да бидам дел од овој тим. Долго сум тука и едноставно не ми се верува дека времето помина толку брзо. Голема чест ми е што сум дел од развојот на мотоциклот.“

„Сезоната 2020 беше особено добра. Постигнавме неколку победи и се искачивме на подиумот. Тимот на КТМ го сметам за втора фамилија и навистина сум привилегиран што и во иднина ќе бидам дел од оваа компанија. “

„Мислам дека резултатите кои ги постигнавме минатата година се голема мотивација за сите во екипата. Затоа со нетрпение чекам да почне новата сезона. Мислам дека сега сме подготвени да се бориме за првото место.“