Тајланд го одложи договорот со MotoGP до 2022 година и тоа значи дека оваа сезона нема да има трка во Бурирам.

Трката во Тајланд е првата која е откажана оваа година откако пандемијата со Ковид 19 ја принуди тамошната влада да го одложи стартот на пет годишниот договор со MotoGP.

Како што известуваат тамошните медиуми, соработката меѓу двете страни наместо да важи од 2021 до 2025 година, како што првично беше планирано, сега ќе биде во периодот од 2022 до 2026 година. Цената за лиценцата останува непроменета и изнесува 25 милиони евра за 5 години. Според информациите, Dorna, која сеуште официјално не ја потврдила оваа информација, останува посветена на овој настан.

Откако се приклучи на календарот во 2018 година, трката која се оддржа во Тајланд веќе следната сезона имаше рекордна посетеност. Само во текот на тркачкиот викенд беа присутни 226.655 фанови а тоа на организаторите им донесе заработка од 95 милиони евра. Мината година, трката, слично како и сите други настани надвор од Европа, беше откажана.

Иако трката во Тајланд е првиот настан кој и официјално е откажан од првичниот календар, се очекува да не се оддржат и трките во Аргентина и Тајланд. Овие две трки првично беа одложени за подоцна кон крајот на годината.

Оваа година, трката во Тајланд требаше да се оддржи на 10-ти октомври.