Топрак Разгатлиоглу постигна најдобар резултат на првиот ден од тестовите на Филип Ајленд. Зад него се најдоа Том Сајкс и Лорис Баз.
Топрак Разгатлиоглу постигна најдобро време на првиот ден од официјалниот WorldSBK тест на Филип Ајленд. Возачот на Pata Yamaha кој доаѓа од Турција имаше проблеми на почетокот од тестот. Но откако ги надмина, резултатот од 1 минута 30.740 секунди беше доволен да се најде на првото место. На втората позиција заврши возачот на BWM, Том Сајкс, кој заостануваше 0.022 секунди.
Настапот на Сајкс за време на утринската сесија навестуваше дека ќе има доминантен настап. Во ист стил продолжи да вози и во текот на попладнето. Резултатот кој го постигна заедно со тимски колега, Јуџин Лаверти, ни укажува на тоа дека BMW криела нешто за време на приватните тестови, со оглед на тоа дека тимот тогаш не можеше да се носи со машините на Kawasaki, Ducati и Yamaha.
Лорис Баз, кој настапи за приватниот Ten Kate Yamaha, заврши на третото место додека пак актуелниот шампион Џонатан Реа беше четврти.
Honda имаше променлив настап. Леон Хаслам, кој има добри резултати на Филип Ајленд, денот го заврши на петото место. За разлика од него, Алваро Баутиста успеа да дојде само до 15-тата позиција. Такуми Такахаши пак имаше проблеми со моторот и мораше предвреме да ја заврши сесијата.
Скот Рединг беше најдобриот возач на Ducarti и заврши на шестата позиција пред Мајкл ван дер Марк кој не успеа да го подобри резултатот кој го постигна за време на утринската сесија. Лаверти, Алекс Ловс и Чез Дејвис ги заокружија првите десет позиции.
Сандро Кортезе заврши на единаесетото место и покрај тоа што ова за него беше прв настап во тимот на Pedercini Kawasaki. Всушност, ова е и прв настап за Италијанскиот тим откако го изгуби главниот спонзор.
Откако ја помина зимата опоравувајќи се од повредата, Леон Камиер тестот го заврши на осумнаесетата позиција.
2020 WorldSBK официјален тест
Официјален тест на Филип Ајленд [Ден 1/2] | ||||
Поз | Возач | Тим | Мотор | Време |
1 | Toprak Razgatlioglu | Pata Yamaha WorldSBK | Yamaha YZF-R1 | 1m 30.740 |
2 | Tom Sykes | BMW Motorrad WorldSBK | BMW S1000RR | 1m 30.762 |
3 | Loris Baz | Ten Kate Racing | Yamaha YZF-R1 | 1m 30.777 |
4 | Jonathan Rea | Kawasaki Racing Team | Kawasaki ZX-10RR | 1m 30.996 |
5 | Leon Haslam | Team HRC | Honda CBR1000RR-R | 1m 31.196 |
6 | Scott Redding | Aruba.it Racing Ducati | Ducati Panigale V4 R | 1m 31.236 |
7 | Michael van der Mark | Pata Yamaha WorldSBK | Yamaha YZF-R1 | 1m 31.252 |
8 | Eugene Laverty | BMW Motorrad WorldSBK | BMW S1000RR | 1m 31.588 |
9 | Alex Lowes | Kawasaki Racing Team | Kawasaki ZX-10RR | 1m 31.665 |
10 | Chaz Davies | Aruba.it Racing Ducati | Ducati Panigale V4 R | 1m 32.113 |
11 | Sandro Cortese | Outdo Kawasaki TPR | Kawasaki ZX-10RR | 1m 32.264 |
12 | Michael Ruben Rinaldi | Team GOELEVEN | Ducati Panigale V4 R | 1m 32.272 |
13 | Xavi Fores | Kawasaki Puccetti Racing | Kawasaki ZX-10RR | 1m 32.414 |
14 | Maximilian Scheib | Orelac Racing Verdnatura | Kawasaki ZX-10RR | 1m 32.498 |
15 | Alvaro Bautista | Team HRC | Honda CBR1000RR-R | 1m 32.541 |
16 | Federico Caricasulo | GRT Junior WorldSBK | Yamaha YZF-R1 | 1m 32.706 |
17 | Garrett Gerloff | GRT Junior WorldSBK | Yamaha YZF-R1 | 1m 32.829 |
18 | Leon Camier | Barni Racing | Ducati Panigale V4 R | 1m 33.629 |
19 | Takumi Takahashi | MIE Racing Honda | Honda CBR1000RR-R | 1m 34.346 |