MotoGP

Вињалес: Кога сум сам на патеката можам да имам добар резултат

Маверик Вињалес ги уништи пневматиците во обид да ги претекне своите ривали. Вели дека мора да направи промени во случај тоа да се повтори и во иднина.

Следете нè на:

 

Маверик Вињалес ги уништи пневматиците во обид да ги претекне своите ривали. Вели дека мора да направи промени во случај тоа да се повтори и во иднина.

Маверик Вињалес ги објасни причините за слабиот настап на првата трка од новата MotoGP сезона која се возеше во Катар. Благодарение на одличниот настап за време на претсезонските тестови, 24 годишниот возач беше еден од фаворитите за победа. Покрај ова, тој ја освои и пол позицијата и во саботата беше за 0.198 секунди побрз од Андреа Довициозо.

Но после слабиот прв круг на трката која се одржа во неделата, Вињалес не успеа да им се приближи на најдобрите шест возачи. Тој постојано се обидуваше, но никако не успеваше да ги претекне Јоан Мир и Данило Петручи.

Шпанецот вели дека главната причина за ова е бидејќи не можел да ја следи посакуваната линија на патеката. Со оглед на тоа дека машините кои беа пред него беа многу побавни при влегувањето во свиоците, возачот на Monster Yamaha мора подоцна да притиска на сопирачките, тактика која доведе до уништување на пневматиците.

„Знам дека трката не се одвиваше онака како што посакувавме“, изјави тој. „Кога сум сам на патеката можам да постигнам добро време, но кога сум во група со други возачи ми е многу потешко.“

„Морам да возам многу поразлично. Морам да се движам по поинаква линија и не сум доволно брз за разлика од кога сум сам на патеката. Ова сега е уште една точка на која мораме да работиме.“

„При обидите да ги претекнам останатите возачи ги уништив пневматиците. Веќе пред крајот на трката задната гума немаше добар контакт со површината и не можев да направам ништо околу тоа.“

„Недостатокот на брзина не беше главниот проблем туку морам да најдам поинаков правец на движење кога сум со останатите возачи на патеката. Морам да пронајдеме поинаков сетап. Кога сум позади другите возачи го следам нивното движење и тоа многу ги оштетува пневматиците. Почнав да возам побрзо дури откако се најдов сам на патеката и јасно ми е каде е проблемот.“

Vinales Txt 1 19 03 copy copy copy

Дали е ова слично на проблемот кој го имаше минатата година кога возеше со полн резервоар?

„Всушност, кога возев со полн резервоар не беше никаков проблем за мене. Проблемот беше што не можев никого да претекнам бидејќи возев по други линии, не оние кои ги користев во текот на викендот.“

„Затоа мислам дека трката во Аргентина ќе биде многу важна. Знаеме дека сме брзи кога сме сами на патеката но треба да се подобриме и кога околу нас има други возачи.“

Иако настапот на Вињалес на трката многу потсетуваше на некои моменти кои се случија во 2018 година, сепак има и позитивни работи. Наместо да го обвини мотоциклот, или пак неговиот тим, како што направи неколку пати минатата година, тој ги призна своите слабости.

За време на пресконференцијата тој беше смирен и можеше во детали да објасни што беше погрешно. Прашан какви ќе бидат промените кои планира да ги направи, поранешниот Moto3 шампион изјави: „На пример, ќе притискам на сопирачката кога сум на правец бидејќи кога мотоциклот е навален и кога кочам, имам проблем со предниот дел.“

„Затоа мојата идеална линија мора да биде права, потоа да го навалам мотоциклот и да имам добра брзина во свиокот. Кога сум сам можам да го направам тоа. Но кога има неколку возачи околу вас, морате добро да ја покриете линијата на движење. Колку подоцна притискам на сопирачката толку сум понавален со мотоциклот и притисокот на предниот дел е поголем. Потоа морам порано да ја отворам гаста и тука настанува проблемот.“

„Како што кажав, кога сум сам на патеката е поинаку бидејќи му верувам на мотоциклот и на предниот дел. Но треба да го подобриме делот при сопирање.“

„Веќе имаме направено големи промени но тоа не е доволно. Во овој дел, нашите ривали се подобри.“

motul makeodnija

Би можело да ве интересира

MotoGP шампионот, Марк Маркез, вели дека шасијата, перформансите на моторот како и поголемата концентрација се главните причини зошто има толку малку инциденти за време на трките.

Денеска ви носиме нови вести околу продажбата на мотоцикли.

Малата разлика во поразите на трките во Катар и Муџело покажува дека возачот на Honda е способен да победи на патеките кои му одговараат на мотоциклот на Ducati.

„Ги финализираме преговорите со возачот и неговиот менаџер. Се надеваме дека наскоро ќе ја слушнеме нивната одлука“ - Алекс Маркез ќе остане дел од Moto2 и ќе вози за Marc VDS?

Една од најинтересните работи кои ги видовме за време на WorldSBK трката која се возеше во Лагуна Сека беше преставувањето на најновиот модел кој ни доаѓа од фабриката во Болоња, Ducati Panigale V4 25° Anniversario 916.

Вообичаено, ова би требало да биде најдобриот период за забавниот парк во Калифорнија, но тој е затворен поради реновирање.

Бидете информирани за сите новости директно на вашата е-маил адреса
Реклами

Листа на мото настани

  • 26 Јули 2019 - 28 Јули 2019
  • Клубски дом
  • Планина Плачковица

  • 10 Август 2019 - 10 Август 2019
  • Сè уште непознато
  • Битола

  • 24 Август 2019 - 24 Август 2019
  • Сè уште непознато
  • Прилеп

  • 31 Август 2019 - 01 Септември 2019
  • Патека Плевен
  • Долна Митрополија, Бугарија

  • 07 Септември 2019 - 09 Септември 2019
  • Република Македонија

Благодарност!

Ви благодариме за тоа што споделувате содржини и го поддржувате нашиот веб сајт.